Page 23 - Lu stranu viaggiu

La canuscenza di sti fatti antichi
mi lincheva lu cori di piaciri
e mi vineva spinnu di sapiri
chi genti foru chiddi ca mi stannu
sempri d'attornu nta la vita vera.
Ma di Platuni lu precisu vetu
la lingua mi frinavu nto parrari.

Lu lastimusu camminari lestu Li costellazioni

senza parrari mi purtava l'occhiu
a intravardari d'ogni latu i cosi
comu 'n’alloccu ca nun sapi nenti.
Supra di mia li stiddi vitti incutti
e supra lu villutu rilucenti
di 'n’nivuru mantellu senza fini.
Di vidiri mi parsi tali e quali
lu celu i Castellucciu quann'é notti
cu li stiddi inquadrati in vari formi
e li stiddi currenti cu la cuda,
li spimmuli di luci trimulanti

e sparpagghiati in massa chiù luntanu
mentri la luna spanni 'n velu finu
di luci leggia e viva supra tuttu.
- Arresta lu to passu e dimmi tostu
si in terra semu riturnati a stari! -
Dissi a Platuni ca m'arrispunnivu:
- S'avissi tu liggiutu cu custanza
li cosi ca lassavu scritti chiari,
tu non m'addumannassi chistu cca.

Lu munnu d'unni l'omu campa e sguazza
é copia esatta di stu munnu santu
ca resta sempri chiddu chiù perfettu.
Li stiddi ca tu vidi in terra sunu
la proiezioni di sti stiddi eterni.
Tra stidda e stidda lu Signuri misi
l'antichi Dei e pi costellazioni
l'antichi mostri di la fantasia.
Dda c'é Chironi, Sagittariu intisu,
Orioni e Marti, li Gemelli e Giovi,
lu Capricornu, Veniri e Giunoni.

pag. 20