Page 30 - Lu stranu viaggiu

cu la so santa vuci arrisbigghiatu.
- Ju sacciu, dissi, ca vidisti in sonnu
li santi musicisti di lu celu,
chiddi ca supra u pentagramma noti
scriveru eterni comu vosi Diu.
Cca musica futura tutti insemi
fannu pi cunsignarla bedda pronta
a chiddu ca nta terra ammustra forza
capaci di sgrussari l'omu rozzu.

La musica invintavu u Patreternu
pi favuriri a canuscenza a l'omu
di tuttu chiddu ca nta terra crisci.

Cu passu lentu, ca lu sonnu ancora La missa in
li pedi m'attaccava comu corda, cena Domini
la strada ripigghiavu longa e brevi
ca mi purtava versu u centru esattu
du 'nfernu-paradisu circustanti.
O bastuneddu ca nta manu tegnu,
cumincia a riciuriri tuttu paru

pi dari forza vita e sichitanza
o me parrari fantasiusu e gravi
pirchì li cosi vitti 'un hannu fini.
'Un abbasta la me pinna e la me menti
e nun mi basta lu vuliri sulu
parrari d'ogni cosa ca nutai,
si non mi veni incontru o vastuneddu
ca di la musa si’ lu me sustegnu.
Li pampini d'alivu ca tuccava

di supra e d'ogni latu di la testa
parevanu di pisci li fulati
ca vidi dintra l'acqua di lu mari
quannu tersu rifletti luci e celu.
La luci trapanava cu viulenza
tra fogghia e fogghia e l'occhi mi lincheva
d'acculurati stiddi d'ogni forma,
cangianti pi lu ventu ca ciatava.
La luci mi pareva ca parrava
liggera comu nu suspiru d'omu
quannu riposa e 'un havi nuddu affannu

pag. 27