Page 54 - Lu stranu viaggiu

cu signurinu Cicciu in sichitanza
nun basta si qualcunu nun si movi.-
Comu fogghi purtati di lu ventu
sta genti ca parravu scumparivu.
Platuni allura ripigghiavu ciatu
e cu la vuci ferma m'arringavu:
- Lu tempu già passavu, caru Peppi,
di curtigghiari e puru di sunnari.
Si guardi lu bastuni tra li manu

lu vidi siccu e senza mancu 'n ciuri,
ca gia finiu lu virdi germogliari.
La porta imbrocca di l'uscita in funnu
e statti accortu a nun tuccari l'acqua
ch'é virdi di la vasca pirchì annunca
ti scordi tuttu chiddu ca vidisti. -
Guardu la porta spalancata innanzi,
ripigghiu pi la manu a me cumpagna
e passu dopu passu ricuminciu
la strata ch'era tutta d'acchianata.
Mentri silenziu tuttu attornu regna,

sentu li sbrizzi in facci di la genti
ca si tumma nta vasca di l'obliu.
Beddu ca a porta trapassavu tutta,
arrusbigghiatu e sulu m'attruvai
nto lettu sfattu e chinu di suduri.

pag. 51